Batez ere 11-25 urte bitartean ematen da gaixotasun hau. Orokorrean emakumeen artean ematen da, batez ere bere itxura fisikoak gehiago kezkatzen dituelako.
Anorexia gora-behera askoren ondorioz sortzen da: familia, kultura, gizartea, publizitatea eta komunikabideak sortutako irudiak, erlazio baten bukaera, ikasketengatik familia uztea, estresa, depresioa...
Gehienetan emakumezkoak dira kaltetuak (gizonezkoak %10 besterik ez dira).
LEHENENGO URRATSAK
Orokorrena dietaren kaloriak pixka bat jaistea da, hau da, dieta inozoak egin, ogirik ez jan, Coca-Cola eta antzeko edariak kendu... Honekin bi kilogramo jaitsi ahal dira gehienez, eta, anorexikoentzat ez da nahikoa izaten.
Geroago hamaiketakoa kentzen da. Hau ez da neurri ona, batez ere, jateko ordua iristen denean gose gehiago izaten baita. Askaria kentzea ere oso arrunta da.
Ondoren, interneten dieta bilaketa hasten da. Famatuenak jarraitu, 1000 kaloria dituztenak, edota, baita ere, norberak asmatutakoak.
Azkenean, janaria obsesio hutsan bilakatzen da. Eguneroko dietak ez ditu 200 kaloriak betetzen eta humore txarra, nekea eta zurbiltasuna dira lehen nabaritzen diren urratsak.
Gosea desagertzen da, anorexikoek gosea dutenean berehala errudun sentitzen direlako. Batzuk, ordea, gosea sentitzea gustatzen zaie, beraien lana ondo betetzen ari direla jakiteko.
SINTOMA FISIKOAK
- Pisu jaitsiera
- Nekea
- Ahultasuna
- Zorabioak
- Azal lehorra
- Zurbiltasuna
- Azalaren kolo reko aldaketak
- Ile hauskorra edo honen erorketa
- Zorabioa eta buruko mina
- Nesken kasuan hilekoaren irregulartasun edo galera
- Hipotermia
- Insomnioa
- Hortzetako alterazioak
- Idorreria
- Bihotzekoa (kasu oso larrietan)
SINTOMA PSIKOLOGIKOAK
- Baskulan pisua kontrolatzen dute maiz
- Urduri egoten dira jatorduetan
- Bakardadean jatea bilatzen dute
- Janariari buruz ingurukoekin gezurretan aritzen dira
- Gehiegizko interesa erakusten dute janari eta dietei buruzko iragarkietaz
- Janarian dagoen ekitaldi publikoei uko egiten diete
- Tristura, gogoeza, depresioa, agresibitate eta suminkortasun handiko momentuak izaten dituzte
- Ordenari buruzko gehiegizko kezka eta aktibitatea gehitzea
- Ariketa fisikoaren areagotzea
- Gehiegizko kezka bere itsura fisikoari buruz
- Inguru sozialarekiko etengabeko isolamendua